juda us jism se ho kar kahin tahlil ho jata

judā us jism se ho kar kahīñ tahlīl ho jaatā

fanā hote hī lāfānī meñ maiñ tabdīl ho jaatā

mire pīchhe agar iblīs ko aane na detā tū

sarāpā meñ tire har hukm kī ta.amīl ho jaatā

jo hotā iḳhtiyār apne muqaddar ko badalne kā

tamannāoñ kī maiñ ik sūrat-e-takmīl ho jaatā

mujhe pahchān kar koī zamāne ko batā detā

to misl-e-nik.hat-e-gulzār maiñ tarsīl ho jaatā

karishma ye bhī ho jaatā tire adnā ta.āvun se

mujhe tū sochtā to maiñ tirī taḳh.īl ho jaatā

zamīñ pyāsī 'zamīr' insān bhī pyāse nahīñ rahte

agar dariyā maiñ ban jaatā agar maiñ jhiil ho jaatā

juda us jism se ho kar kahin tahlil ho jata

fana hote hi lafani mein main tabdil ho jata

mere pichhe agar iblis ko aane na deta tu

sarapa mein tere har hukm ki tamil ho jata

jo hota iKHtiyar apne muqaddar ko badalne ka

tamannaon ki main ek surat-e-takmil ho jata

mujhe pahchan kar koi zamane ko bata deta

to misl-e-nikhat-e-gulzar main tarsil ho jata

karishma ye bhi ho jata tere adna taawun se

mujhe tu sochta to main teri taKHil ho jata

zamin pyasi 'zamir' insan bhi pyase nahin rahte

agar dariya main ban jata agar main jhil ho jata