judai tum se gawara nahin karenge hum

judā.ī tum se gavārā nahīñ kareñge ham

mohabbatoñ se kinārā nahīñ kareñge ham

nasha kareñge tirī āñkhoñ se machalne tak

sharāb se hī guzārā nahīñ kareñge ham

ye kaise maan liyā tum ne duur rah kar bhī

ki intizār tumhārā nahīñ kareñge ham

tumhārī yaad dilātā hai aa.ina mujh ko

is aa.ine ko nihārā nahīñ kareñge ham

bhaTak na jaa.e chakā-chauñdh meñ kahīñ 'sāgar'

faqat yuuñ ḳhud ko sitārā nahīñ kareñge ham

judai tum se gawara nahin karenge hum

mohabbaton se kinara nahin karenge hum

nasha karenge teri aankhon se machalne tak

sharab se hi guzara nahin karenge hum

ye kaise man liya tum ne dur rah kar bhi

ki intizar tumhaara nahin karenge hum

tumhaari yaad dilata hai aaina mujh ko

is aaine ko nihaara nahin karenge hum

bhaTak na jae chaka-chaundh mein kahin 'sagar'

faqat yun KHud ko sitara nahin karenge hum