junun-e-ishq le aaya are zalim kahan mujhko

junūn-e-ishq le aaya are zālim kahāñ mujh ko

nazar aatī hai apnī zindagī ik dāstāñ mujh ko

bulā.eñ laakh sub.h-o-shām kī ra.anā.iyāñ mujh ko

kahā jaa.e jise dil ab mayassar hai kahāñ mujh ko

use tadbīr se nisbat use taqdīr hī kahiye

dikhā.e zindagī kī har ravish nākāmiyāñ mujh ko

qasam in bastiyoñ se to kahīñ behtar the vīrāne

milā hai kuchh na kuchh aksar sukūn-e-dil jahāñ mujh ko

abas badle hue mausam kī dilkash chāñdnī rāteñ

jo bahlā.eñ na terī yaad kī rangīniyāñ mujh ko

ye nākāmī ke baad ehsās-e-nākāmī ke hangāme

atā kar dī hai goyā daulat-e-kaun-o-makāñ mujh ko

'sahar' jazbāt kā mandir hai aur hālāt kī puujā

na rabt-e-bāġhbāñ mujh ko na ḳhabt-e-āshiyāñ mujh ko

junun-e-ishq le aaya are zalim kahan mujh ko

nazar aati hai apni zindagi ek dastan mujh ko

bulaen lakh subh-o-sham ki ranaiyan mujh ko

kaha jae jise dil ab mayassar hai kahan mujh ko

use tadbir se nisbat use taqdir hi kahiye

dikhae zindagi ki har rawish nakaamiyan mujh ko

qasam in bastiyon se to kahin behtar the virane

mila hai kuchh na kuchh aksar sukun-e-dil jahan mujh ko

abas badle hue mausam ki dilkash chandni raaten

jo bahlaen na teri yaad ki ranginiyan mujh ko

ye nakaami ke baad ehsas-e-nakaami ke hangame

ata kar di hai goya daulat-e-kaun-o-makan mujh ko

'sahar' jazbaat ka mandir hai aur haalat ki puja

na rabt-e-baghban mujh ko na KHabt-e-ashiyan mujh ko