junun ke faiz se hasil hai ye kamal mujhe

junūñ ke faiz se hāsil hai ye kamāl mujhe

na āstīñ kā na dāman kā hai ḳhayāl mujhe

banā ho jab ki mirā siina ā.ina-ḳhāna

shikast-e-shīsha-e-dil kā ho kyoñ malāl mujhe

mirī balā se koī laakh hātim-e-tai ho

ki ibtidā se nahīñ ādat-e-savāl mujhe

ye bad-lagām sahī maiñ bhī kam savār nahīñ

zamāna kar nahīñ saktā hai pā.emāl mujhe

kamāl-e-ishq kahūñ kyoñ na is tasavvur ko

ki jis ke faiz se ho hijr bhī visāl mujhe

maiñ sāf-go huuñ ki dil meñ nahīñ hai mail koī

maiñ rāst-rau huuñ ki bhātī nahīñ hai chaal mujhe

adab navāz kahā karte haiñ ‘amīn-e-hazīñ'

magar avaam mohammad masīh paal mujhe

junun ke faiz se hasil hai ye kamal mujhe

na aastin ka na daman ka hai KHayal mujhe

bana ho jab ki mera sina aaina-KHana

shikast-e-shisha-e-dil ka ho kyon malal mujhe

meri bala se koi lakh hatim-e-tai ho

ki ibtida se nahin aadat-e-sawal mujhe

ye bad-lagam sahi main bhi kam sawar nahin

zamana kar nahin sakta hai paemal mujhe

kamal-e-ishq kahun kyon na is tasawwur ko

ki jis ke faiz se ho hijr bhi visal mujhe

main saf-go hun ki dil mein nahin hai mail koi

main rast-rau hun ki bhati nahin hai chaal mujhe

adab nawaz kaha karte hain ‘amin-e-hazin'

magar awam mohammad masih pal mujhe