junun ko chhoD KHirad ki asas rahne de
junun ko chhoD KHirad ki asas rahne de
Ustad Vajahat Husain Khan
MORE BYUstad Vajahat Husain Khan
junūñ ko chhoḌ ḳhirad kī asaas rahne de
zamīñ ke jism pe koī libās rahne de
nizām-e-daur-e-aziyyat kabhī to badlegā
umiid kam hai magar kuchh to aas rahne de
ye dūriyāñ ye tajassus ye Tiis ye vahshat
kuchh aur der mirā dil udaas rahne de
lahū kā zā.iqa maiñ chakh rahā huuñ chārāgar
na dekh zaḳhm rakhī hai kapās rahne de
vo roz-o-shab ke fasāne vo dard ke qisse
nikāl mat abhī dil kī bhaḌās rahne de
kisī kā jurm kisī aur ko sazā mil jaa.e
tū kaun apnī zabāñ par miThās rahne de
rakhe umīd-e-vafā aur is zamāne se
fuzūl hai ye 'vajāhat' qayās rahne de
junun ko chhoD KHirad ki asas rahne de
zamin ke jism pe koi libas rahne de
nizam-e-daur-e-aziyyat kabhi to badlega
umid kam hai magar kuchh to aas rahne de
ye duriyan ye tajassus ye Tis ye wahshat
kuchh aur der mera dil udas rahne de
lahu ka zaiqa main chakh raha hun chaaragar
na dekh zaKHm rakhi hai kapas rahne de
wo roz-o-shab ke fasane wo dard ke qisse
nikal mat abhi dil ki bhaDas rahne de
kisi ka jurm kisi aur ko saza mil jae
tu kaun apni zaban par miThas rahne de
rakhe umid-e-wafa aur is zamane se
fuzul hai ye 'wajahat' qayas rahne de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
