junun se zikr se hasrat se aur ibaadat se

junūñ se zikr se hasrat se aur ibādat se

ab is ke baad tujhe chāheñge mohabbat se

vo shai bhī ḳhaak huī jo falak se utrī thī

bachā hai kaun yahāñ par nizām-e-qudrat se

tire ishāre pe lāzim nahīñ thā mar jaanā

magar miTe haiñ tirī chāhatoñ meñ shiddat se

tamām raat guzārī hai māh-o-anjum meñ

ai sub.h mujh se zarā pesh aa mohabbat se

barasne aa.egā bin-barse lauT jā.egā

ye abr baaz na aa.egā apnī aadat se

is intizār meñ gar jaañ ga.ī to mumkin hai

mile savāb hameñ ājizī kī nisbat se

banāne vaale ne bas naqsh hī banā.e the

ye rang nikle haiñ 'mīrā' tumhārī hairat se

junun se zikr se hasrat se aur ibaadat se

ab is ke baad tujhe chahenge mohabbat se

wo shai bhi KHak hui jo falak se utri thi

bacha hai kaun yahan par nizam-e-qudrat se

tere ishaare pe lazim nahin tha mar jaana

magar miTe hain teri chahaton mein shiddat se

tamam raat guzari hai mah-o-anjum mein

ai subh mujh se zara pesh aa mohabbat se

barasne aaega bin-barse lauT jaega

ye abr baz na aaega apni aadat se

is intizar mein gar jaan gai to mumkin hai

mile sawab hamein aajizi ki nisbat se

banane wale ne bas naqsh hi banae the

ye rang nikle hain 'mira' tumhaari hairat se