junun wale bil-aKHir shahkaron se nikal aae

junūñ vaale bil-āḳhir shāhkāroñ se nikal aa.e

sabhī shāh-e-jahāñ apne mazāroñ se nikal aa.e

hameñ sailāb kā Dar bastiyoñ se khīñch laayā thā

ka.ī aaseb shahroñ ke kināroñ se nikal aa.e

maiñ kal raat apnī vīrānī pe royā is qadar royā

sabhī kho.e hue chehre sitāroñ se nikal aa.e

nisāboñ meñ huī tarmīm rangoñ par shabāb aayā

na.e mā'nī purāne ishtihāroñ se nikal aa.e

kisī ke haath āzādī kā parvāna nahīñ aayā

bachā kar jaan ham tīmār-dāroñ se nikal aa.e

junun wale bil-aKHir shahkaron se nikal aae

sabhi shah-e-jahan apne mazaron se nikal aae

hamein sailab ka Dar bastiyon se khinch laya tha

kai aaseb shahron ke kinaron se nikal aae

main kal raat apni virani pe roya is qadar roya

sabhi khoe hue chehre sitaron se nikal aae

nisabon mein hui tarmim rangon par shabab aaya

nae ma'ni purane ishtihaaron se nikal aae

kisi ke hath aazadi ka parwana nahin aaya

bacha kar jaan hum timar-daron se nikal aae