justuju sine mein jab azm-e-jawan khinchti hai

justujū siine meñ jab azm-e-javāñ khīñchtī hai

nok-e-tesha pe koī koh-e-girāñ khīñchtī hai

tum ho show-case meñ rakkhī huī guḌiyā kī misāl

maiñ vo bachcha jise mele meñ dukāñ khīñchtī hai

ek ummīd ke dam se hai tabassum lab par

ek hasrat hai ki siine meñ fuġhāñ khīñchtī hai

mere siine meñ tajassus kī panaptī huī huuk

tere siine se koī rāz-e-nihāñ khīñchtī hai

sard-āhoñ ke tasalsul meñ tamanna hai koī

saañs dar saañs jo cigarette kā dhuāñ khīñchtī hai

ik taraf khīñchtī hai dahr meñ rahne kī havas

ik taraf Dhaltī huī umr-e-ravāñ khīñchtī hai

justuju sine mein jab azm-e-jawan khinchti hai

nok-e-tesha pe koi koh-e-giran khinchti hai

tum ho show-case mein rakkhi hui guDiya ki misal

main wo bachcha jise mele mein dukan khinchti hai

ek ummid ke dam se hai tabassum lab par

ek hasrat hai ki sine mein fughan khinchti hai

mere sine mein tajassus ki panapti hui huk

tere sine se koi raaz-e-nihan khinchti hai

sard-ahon ke tasalsul mein tamanna hai koi

sans dar sans jo cigarette ka dhuan khinchti hai

ek taraf khinchti hai dahr mein rahne ki hawas

ek taraf Dhalti hui umr-e-rawan khinchti hai