jun qadam yar ne ghar se mere dar par rakkha

juuñ qadam yaar ne ghar se mire dar par rakkhā

sar rakhā zaanū pe maiñ haath jigar par rakkhā

ham ko sayyād ne rakkhā jo qafas meñ to aah

dast-e-shafqat kabhī zālim ne na sar par rakkhā

sañg-e-rah us kī galī kā jo koī haath aayā

misl-e-gul maiñ ne uThā kar use sar par rakkhā

baiThe baiThe tujhe kaun aa gayā yaad aaj 'kamāl'

tū ne rūmāl jo le dīda-e-tar par rakkhā

jun qadam yar ne ghar se mere dar par rakkha

sar rakha zanu pe main hath jigar par rakkha

hum ko sayyaad ne rakkha jo qafas mein to aah

dast-e-shafqat kabhi zalim ne na sar par rakkha

sang-e-rah us ki gali ka jo koi hath aaya

misl-e-gul main ne uTha kar use sar par rakkha

baiThe baiThe tujhe kaun aa gaya yaad aaj 'kamal'

tu ne rumal jo le dida-e-tar par rakkha