kali zulfon mein teri aisa bhi kya rakkha hai

kaalī zulfoñ meñ tirī aisā bhī kyā rakkhā hai

be-sabab Dhoñg sā logoñ ne rachā rakkhā hai

ham jo kahte haiñ tumheñ dīn-dharam shām-o-sahar

ham ne ik ḳhol sā chehre pe chaḌhā rakkhā hai

har na.ī iiñT se miltā hai nayā ik shā.ir

ham ne andāz magar sab se judā rakkhā hai

sunte hī zikr galī-kūchoñ meñ ma.ashūq kā ham

bas yahī soch ke chal dete haiñ kyā rakkhā hai

ham ne rakkhā hai tumheñ dil meñ chhupā kar sab se

had hai be-sūd tumheñ sar pe chaḌhā rakkhā hai

kali zulfon mein teri aisa bhi kya rakkha hai

be-sabab Dhong sa logon ne racha rakkha hai

hum jo kahte hain tumhein din-dharam sham-o-sahar

hum ne ek KHol sa chehre pe chaDha rakkha hai

har nai inT se milta hai naya ek shair

hum ne andaz magar sab se juda rakkha hai

sunte hi zikr gali-kuchon mein mashuq ka hum

bas yahi soch ke chal dete hain kya rakkha hai

hum ne rakkha hai tumhein dil mein chhupa kar sab se

had hai be-sud tumhein sar pe chaDha rakkha hai