kaam hai jam se na matlab jam se

kaam hai jam se na matlab jaam se

āshnā haiñ lab tumhāre naam se

lab-ba-lab huuñ sāqī-e-gulfām se

āriyat le leñ muqaddar jaam se

ghar banānā hai kisī kī yaad kā

kaam lenā hai dil-e-nākām se

dil bhī āñkhoñ kī tarah mushtāq hai

lo utar aao tum apne baam se

chhā rahī hai mai-kashoñ par be-ḳhudī

kyā kahā shīshe ne jhuk kar jaam se

ik sitamgar se laḌātā huuñ nigāh

jaam ko Takrā rahā huuñ jaam se

eid hai hangāma-e-mahshar nahīñ

vo mileñge aaj ḳhās-o-ām se

qabr bhī jannat hai momin ke liye

chal ke 'muztar' so raho ārām se

kaam hai jam se na matlab jam se

aashna hain lab tumhaare nam se

lab-ba-lab hun saqi-e-gulfam se

aariyat le len muqaddar jam se

ghar banana hai kisi ki yaad ka

kaam lena hai dil-e-nakaam se

dil bhi aankhon ki tarah mushtaq hai

lo utar aao tum apne baam se

chha rahi hai mai-kashon par be-KHudi

kya kaha shishe ne jhuk kar jam se

ek sitamgar se laData hun nigah

jam ko Takra raha hun jam se

eid hai hangama-e-mahshar nahin

wo milenge aaj KHas-o-am se

qabr bhi jannat hai momin ke liye

chal ke 'muztar' so raho aaram se