kanTon ki bhi zaban pe gulistan ki baat hai

kāñToñ kī bhī zabāñ pe gulistāñ kī baat hai

lab par raqīb ke ġham-e-jānāñ kī baat hai

gul kī qabā ko dekhā to bulbul ne ye kahā

ahl-e-junūñ meñ chāk-garebāñ kī baat hai

aariz pe un ke zulf-e-pareshāñ hai aaj kyoñ

shāyad marīz-e-ishq ke darmāñ kī baat hai

azm-e-javāñ agar hai nayā āshiyāñ banā

gulshan meñ aaj jashn-e-charāġhāñ kī baat hai

haiñ jā-e-andalīb yahāñ chand bāl-o-par

zindāñ kī baat ab hai na darbāñ kī baat hai

hosh-o-ḳhirad bahār meñ ruḳhsat hue 'kamāl'

dāman rafū kiyā to garebāñ kī baat hai

kanTon ki bhi zaban pe gulistan ki baat hai

lab par raqib ke gham-e-jaanan ki baat hai

gul ki qaba ko dekha to bulbul ne ye kaha

ahl-e-junun mein chaak-gareban ki baat hai

aariz pe un ke zulf-e-pareshan hai aaj kyon

shayad mariz-e-ishq ke darman ki baat hai

azm-e-jawan agar hai naya aashiyan bana

gulshan mein aaj jashn-e-charaghan ki baat hai

hain ja-e-andalib yahan chand baal-o-par

zindan ki baat ab hai na darban ki baat hai

hosh-o-KHirad bahaar mein ruKHsat hue 'kamal'

daman rafu kiya to gareban ki baat hai