kar-e-dil wahshat-talab hai sham tak pahuncha nahin

kār-e-dil vahshat-talab hai shaam tak pahuñchā nahīñ

'ishq sargarm-e-safar anjām tak pahuñchā nahīñ

shauq ko nākām is mā'nī meñ kah sakte haiñ aap

un ke dar tak to gayā thā baam tak pahuñchā nahīñ

yā ki daur-e-jām ko mahdūd hī rakkhā gayā

yā ki ḳhud dast-e-talab hī jaam tak pahuñchā nahīñ

shauq sargardāñ masāfat meñ tajassus ke rahā

āgahī tak to gayā ilhām tak pahuñchā nahīñ

maslahat-āgīñ huī har shai tumhāre shahr meñ

ruk gayā ḳhāma tumhāre naam tak pahuñchā nahīñ

jaane kyā kyā naam se duniyā tumheñ gardāntī

zikr terā gardish-e-ayyām tak pahuñchā nahīñ

varna rusvā.ī kā ho jaatā koī sāmāñ baham

'ishq 'shāriq' zaat tak thā naam tak pahuñchā nahīñ

kar-e-dil wahshat-talab hai sham tak pahuncha nahin

'ishq sargarm-e-safar anjam tak pahuncha nahin

shauq ko nakaam is ma'ni mein kah sakte hain aap

un ke dar tak to gaya tha baam tak pahuncha nahin

ya ki daur-e-jam ko mahdud hi rakkha gaya

ya ki KHud dast-e-talab hi jam tak pahuncha nahin

shauq sargardan masafat mein tajassus ke raha

aagahi tak to gaya ilham tak pahuncha nahin

maslahat-agin hui har shai tumhaare shahr mein

ruk gaya KHama tumhaare nam tak pahuncha nahin

jaane kya kya nam se duniya tumhein gardanti

zikr tera gardish-e-ayyam tak pahuncha nahin

warna ruswai ka ho jata koi saman baham

'ishq 'shaariq' zat tak tha nam tak pahuncha nahin