kar-e-mushkil hi kiya duniya mein gar maine kiya

kār-e-mushkil hī kiyā duniyā meñ gar maiñ ne kiyā

par na us be-rahm ke dil meñ guzar maiñ ne kiyā

dil meñ lailā-e-tamannā paañv chhalnī tez dhuup

kis qayāmat kā safar thā jo safar maiñ ne kiyā

terā apnā rāsta thā merā apnā rāsta

is pe bhī ai zindagī tujh ko basar maiñ ne kiyā

muskurā kar us ne jab bāheñ gale meñ Daal diiñ

phir jo us se rañj thā sarf-e-nazar maiñ ne kiyā

zinda the dushman to mujh ko bāzuoñ pe naaz thā

aañkh ko un ke guzar jaane pe tar maiñ ne kiyā

chashm-e-kam se dekhtā thā mujh ko āḳhir ek din

us ke zo.am-e-ḳhām ko zer-o-zabar maiñ ne kiyā

harf us ke qāmat-e-tahsīñ pe sajte hī ga.e

'shāhid' un ko is tarah harf-e-hunar maiñ ne kiyā

kar-e-mushkil hi kiya duniya mein gar main ne kiya

par na us be-rahm ke dil mein guzar main ne kiya

dil mein laila-e-tamanna panw chhalni tez dhup

kis qayamat ka safar tha jo safar main ne kiya

tera apna rasta tha mera apna rasta

is pe bhi ai zindagi tujh ko basar main ne kiya

muskura kar us ne jab bahen gale mein Dal din

phir jo us se ranj tha sarf-e-nazar main ne kiya

zinda the dushman to mujh ko bazuon pe naz tha

aankh ko un ke guzar jaane pe tar main ne kiya

chashm-e-kam se dekhta tha mujh ko aaKHir ek din

us ke zoam-e-KHam ko zer-o-zabar main ne kiya

harf us ke qamat-e-tahsin pe sajte hi gae

'shahid' un ko is tarah harf-e-hunar main ne kiya