karwan apni rah chalte hain

kārvāñ apnī raah chalte haiñ

ham tire dar kī ḳhaak malte haiñ

fitne jo us nazar meñ palte haiñ

dil kī duniyā vahī badalte haiñ

yuuñ jo āñkhoñ se ashk Dhalte haiñ

shāyad armān-e-dil nikalte haiñ

'ishq meñ ehtiyāt kyā kiije

girne vaale kahīñ sañbhalte haiñ

khelte the jo un ke dāman se

ab vo hasrat se haath malte haiñ

jaan par apnī khelne vaale

mere naqsh-e-qadam pe chalte haiñ

ab to dil bhī nahīñ hai pahlū meñ

ab ye armān kyoñ machalte haiñ

ġham na kar un kī be-ruḳhī kā 'hazīñ'

yuuñ hī hālāt-e-dil badalte haiñ

karwan apni rah chalte hain

hum tere dar ki KHak malte hain

fitne jo us nazar mein palte hain

dil ki duniya wahi badalte hain

yun jo aankhon se ashk Dhalte hain

shayad arman-e-dil nikalte hain

'ishq mein ehtiyat kya kije

girne wale kahin sanbhalte hain

khelte the jo un ke daman se

ab wo hasrat se hath malte hain

jaan par apni khelne wale

mere naqsh-e-qadam pe chalte hain

ab to dil bhi nahin hai pahlu mein

ab ye arman kyon machalte hain

gham na kar un ki be-ruKHi ka 'hazin'

yun hi haalat-e-dil badalte hain