kash mere Dubne ka wo bhi manzar dekhta

kaash mere Dūbne kā vo bhī manzar dekhtā

lekin is ko kyā paḌī thī kyuuñ palaT kar dekhtā

dushmanoñ se ḳhauf khātā umr bhar maiñ bhī agar

dostoñ kī āstīnoñ meñ na ḳhanjar dekhtā

shahr se nikle haiñ ham kis jurm kī pādāsh meñ

ye to us ko dekhnā thā vo sitamgar dekhtā

maiñ thā shāhīñ sab kī nazreñ thiiñ mirī parvāz par

kaun ab aa kar mire TuuTe hue par dekhtā

mai-kashī kā ham pe gar ilzām hai to ho 'asīr'

koī aise zindagī bhar zahr pī kar dekhtā

kash mere Dubne ka wo bhi manzar dekhta

lekin is ko kya paDi thi kyun palaT kar dekhta

dushmanon se KHauf khata umr bhar main bhi agar

doston ki aastinon mein na KHanjar dekhta

shahr se nikle hain hum kis jurm ki padash mein

ye to us ko dekhna tha wo sitamgar dekhta

main tha shahin sab ki nazren thin meri parwaz par

kaun ab aa kar mere TuTe hue par dekhta

mai-kashi ka hum pe gar ilzam hai to ho 'asir'

koi aise zindagi bhar zahr pi kar dekhta