kab bujhti hai suraj ki ziya sham se pahle

kab bujhtī hai sūraj kī ziyā shaam se pahle

jaltā hai kahāñ koī diyā shaam se pahle

isrāf ise kahiye ki dānista taġhāful

kyoñ qumquma saḌkoñ pe jalā shaam se pahle

is shahr-e-pur-āshob kī hai raat bhayānak

ghar lauT ke aanā hai zarā shaam se pahle

ye zulmat-e-shab tābish-e-anjum ke liye hai

ye rāz-e-nihāñ ham pe khulā shaam se pahle

ummīd hai ārām se ye raat kaTegī

taskīn kī māñgī hai duā shaam se pahle

sahrā meñ ġhanīmat hai kaḌī dhuup kā saaya

detā hai jo manzil kā patā shaam se pahle

hotī hai 'jamīl' aisī kashish rishta-e-jāñ meñ

lauT aate haiñ arbāb-e-vafā shaam se pahle

kab bujhti hai suraj ki ziya sham se pahle

jalta hai kahan koi diya sham se pahle

israf ise kahiye ki danista taghaful

kyon qumquma saDkon pe jala sham se pahle

is shahr-e-pur-ashob ki hai raat bhayanak

ghar lauT ke aana hai zara sham se pahle

ye zulmat-e-shab tabish-e-anjum ke liye hai

ye raaz-e-nihan hum pe khula sham se pahle

ummid hai aaram se ye raat kaTegi

taskin ki mangi hai dua sham se pahle

sahra mein ghanimat hai kaDi dhup ka saya

deta hai jo manzil ka pata sham se pahle

hoti hai 'jamil' aisi kashish rishta-e-jaan mein

lauT aate hain arbab-e-wafa sham se pahle