kab qahr se aashob-e-zamana se Dari hun

kab qahr se āshob-e-zamāna se Darī huuñ

kab paanī ke hamrāh maiñ tinke sī bahī huuñ

rasta baḌā pur-ḳhār hai par jān-e-tamannā

maiñ ābla-pā saath rahī saath chalī huuñ

kab rok sake mere azā.em koī tūfāñ

chaTTān huuñ talvār ke saa.e meñ palī huuñ

jo rok sako rok lo is jazb-e-junūñ ko

ūñche khaḌe parbat se na tūfāñ se rukī huuñ

ḳhvāboñ kī tarāzū pe mujhe tolne vaale

maiñ ḳhvāb nahīñ ek haqīqat kī kaḌī huuñ

mujh se mirā gul chhīn sake kaun 'shagufta'

majbūr thī kal aaj maiñ pairoñ pe khaḌī huuñ

kab qahr se aashob-e-zamana se Dari hun

kab pani ke hamrah main tinke si bahi hun

rasta baDa pur-KHar hai par jaan-e-tamanna

main aabla-pa sath rahi sath chali hun

kab rok sake mere azaem koi tufan

chaTTan hun talwar ke sae mein pali hun

jo rok sako rok lo is jazb-e-junun ko

unche khaDe parbat se na tufan se ruki hun

KHwabon ki taraazu pe mujhe tolne wale

main KHwab nahin ek haqiqat ki kaDi hun

mujh se mera gul chhin sake kaun 'shagufta'

majbur thi kal aaj main pairon pe khaDi hun