kab tak bandh ke rakkhun KHud se tere sab barbaadon ko

kab tak bāñdh ke rakkhūñ ḳhud se tere sab barbādoñ ko

achchhā ghar ko aag lagā duuñ ḳhaak karūñ sab yādoñ ko

achchhā achchhā Thiik hai yaarā rahne de tamhīd sabhī

jānte haiñ achchhe se ham bhī tere jaise sādoñ ko

ek chhalāvā ek sarāb thā saarī chāhat shīrīñ kī

jaao jā kar ḳhabar karo sab teshoñ ko farhādoñ ko

ab ke vaqt kaḌā hai ham par jo bhī kah deñ aap bajā

vaqt kā pahiyā ghuum gayā phir dekheñge shahzādoñ ko

kaise aas dilā.ūñ dil ko kaise bolūñ sabr kare

chain kahāñ aane paatā hai qismat ke nā-shādoñ ko

mātam-vātam ḳhatm kareñge sog miTā.eñge saarā

yā'nī āḳhir dafnā deñge aaj kī raat murādoñ ko

kab tak bandh ke rakkhun KHud se tere sab barbaadon ko

achchha ghar ko aag laga dun KHak karun sab yaadon ko

achchha achchha Thik hai yara rahne de tamhid sabhi

jaante hain achchhe se hum bhi tere jaise sadon ko

ek chhalawa ek sarab tha sari chahat shirin ki

jao ja kar KHabar karo sab teshon ko farhadon ko

ab ke waqt kaDa hai hum par jo bhi kah den aap baja

waqt ka pahiya ghum gaya phir dekhenge shahzadon ko

kaise aas dilaun dil ko kaise bolun sabr kare

chain kahan aane pata hai qismat ke na-shadon ko

matam-watam KHatm karenge sog miTaenge sara

ya'ni aaKHir dafna denge aaj ki raat muradon ko