kab tak tasawwuraat mein dil ko lahu karen

kab tak tasavvurāt meñ dil ko lahū kareñ

aa ai shab-e-firāq koī guftugū kareñ

duniyā-e-hādsāt kī nairañgiyoñ kī ḳhair

kyūñkar nigāh-e-nāz tirī aarzū kareñ

apnī vafā kā zikr terī be-ruḳhī kī baat

tū sun sake to aaj tire rū-ba-rū kareñ

phir bhar ga.e haiñ zaḳhm dil-e-nā-subūr ke

jī chāhtā hai phir se tirī justujū kareñ

phaile hue haiñ silsile vahshat ke duur tak

dāmān-e-zindagī ko kahāñ tak rafū kareñ

ham ne banā liyā hai nayā phir se āshiyāñ

'asrār' bijliyoñ se chalo guftugū kareñ

kab tak tasawwuraat mein dil ko lahu karen

aa ai shab-e-firaq koi guftugu karen

duniya-e-hadsat ki nairangiyon ki KHair

kyunkar nigah-e-naz teri aarzu karen

apni wafa ka zikr teri be-ruKHi ki baat

tu sun sake to aaj tere ru-ba-ru karen

phir bhar gae hain zaKHm dil-e-na-subur ke

ji chahta hai phir se teri justuju karen

phaile hue hain silsile wahshat ke dur tak

daman-e-zindagi ko kahan tak rafu karen

hum ne bana liya hai naya phir se aashiyan

'asrar' bijliyon se chalo guftugu karen