kabhi aabaad virane na hote

kabhī ābād vīrāne na hote

agar duniyā meñ dīvāne na hote

na hotā sham.a kā yuuñ naam raushan

agar jāñbāz parvāne na hote

junūñ kī had ko pā lenā thā mushkil

agar hushiyār dīvāne na hote

agar dar-parda kuchh bāteñ na hotīñ

to ye dilchasp afsāne na hote

agar pyāsoñ ko miltā jaam saaqī

to yuuñ badnām maiḳhāne na hote

agar rakhte na ham irfān-e-vahdat

to but-ḳhāne ḳhudā-ḳhāne na hote

junūñ kā hausla hargiz na baḌhtā

jo gulshan aur vīrāne na hote

ġhanīmat hai hamārī zaat saaqī

na ham hote to maiḳhāne na hote

inheñ ai 'soz' kuchh honā hī paḌtā

ye dīvāne jo dīvāne na hote

kabhi aabaad virane na hote

agar duniya mein diwane na hote

na hota shama ka yun nam raushan

agar jaanbaz parwane na hote

junun ki had ko pa lena tha mushkil

agar hushiyar diwane na hote

agar dar-parda kuchh baaten na hotin

to ye dilchasp afsane na hote

agar pyason ko milta jam saqi

to yun badnam maiKHane na hote

agar rakhte na hum irfan-e-wahdat

to but-KHane KHuda-KHane na hote

junun ka hausla hargiz na baDhta

jo gulshan aur virane na hote

ghanimat hai hamari zat saqi

na hum hote to maiKHane na hote

inhen ai 'soz' kuchh hona hi paDta

ye diwane jo diwane na hote