kabhi aansu kabhi KHwabon ke dhaare TuT jate hain
kabhī aañsū kabhī ḳhvāboñ ke dhāre TuuT jaate haiñ
zarā sī aañkh meñ kyā kyā nazāre TuuT jaate haiñ
havā bhī āj-kal rakhtī hai tevar pattharoñ jaise
yahāñ to soch se pahle ishāre TuuT jaate haiñ
hameñ tanhā.iyoñ meñ yuuñ sadā.eñ kaun detā hai
samundar kaañp uThtā hai kināre TuuT jaate haiñ
pas-e-dīvār chhup jaate haiñ jo tūfān se Dar kar
unhīñ kī zindagī meñ sab sahāre TuuT jaate haiñ
jabīñ par kaun sī tahrīr likkhī hai ḳhudā jaane
hamāre paas aa kar kyuuñ sitāre TuuT jaate haiñ
kabhi aansu kabhi KHwabon ke dhaare TuT jate hain
zara si aankh mein kya kya nazare TuT jate hain
hawa bhi aaj-kal rakhti hai tewar pattharon jaise
yahan to soch se pahle ishaare TuT jate hain
hamein tanhaiyon mein yun sadaen kaun deta hai
samundar kanp uThta hai kinare TuT jate hain
pas-e-diwar chhup jate hain jo tufan se Dar kar
unhin ki zindagi mein sab sahaare TuT jate hain
jabin par kaun si tahrir likkhi hai KHuda jaane
hamare pas aa kar kyun sitare TuT jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
