kabhi aansuon ko chhupana paDa hai

kabhī āñsuoñ ko chhupānā paḌā hai

kabhī be-sabab muskurānā paḌā hai

vahī jāntā hai javānī kī qīmat

buḌhāpe meñ jis ko kamānā paḌā hai

tujhe ham ne pā to liyā hai ai duniyā

magar jaane kyā kyā gañvānā paḌā hai

abhī maiñ baḌā aadmī bhī nahīñ huuñ

mire pīchhe kyoñ ye zamānā paḌā hai

aziyyat hai kyā shai mire dil se pūchho

unheñ kis tarah se bhulānā paḌā hai

zamāne kī rusvā.ī ke Dar se 'maikash'

tirā naam likh kar miTānā paḌā hai

kabhi aansuon ko chhupana paDa hai

kabhi be-sabab muskurana paDa hai

wahi jaanta hai jawani ki qimat

buDhape mein jis ko kamana paDa hai

tujhe hum ne pa to liya hai ai duniya

magar jaane kya kya ganwana paDa hai

abhi main baDa aadmi bhi nahin hun

mere pichhe kyon ye zamana paDa hai

aziyyat hai kya shai mere dil se puchho

unhen kis tarah se bhulana paDa hai

zamane ki ruswai ke Dar se 'maikash'

tera nam likh kar miTana paDa hai