kabhi andhere se ghabrae raushni se kabhi

kabhī añdhere se ghabrā.e raushnī se kabhī

kabhī bujhā.e charāġh aur kabhī jalā.e charāġh

vo bujhte dil ko na dekheñ kisī ke ḳhuub hai ye

vo muñh ko pher leñ jis vaqt jhilmilā.e charāġh

lahad pe chal ke havā gar bujhātī hai to bujhā.e

tumhārā ho chukā ehsāñ ki ḳhud jalā.e charāġh

lahad pe bū-e-vafā aa rahī thī vaqt-e-sahar

kahīñ kahīñ jo paḌe haiñ jale-jalā.e charāġh

ik āh-e-garm se turbat meñ kaam lene do

yūñhī jalā.e isī tarah se bujhā.e charāġh

jo thā to bas vahī dil-soz bhī thā ai 'jāved'

kisī ne dil na jalāyā yahāñ sivā.e charāġh

kabhi andhere se ghabrae raushni se kabhi

kabhi bujhae charagh aur kabhi jalae charagh

wo bujhte dil ko na dekhen kisi ke KHub hai ye

wo munh ko pher len jis waqt jhilmilae charagh

lahad pe chal ke hawa gar bujhati hai to bujhae

tumhaara ho chuka ehsan ki KHud jalae charagh

lahad pe bu-e-wafa aa rahi thi waqt-e-sahar

kahin kahin jo paDe hain jale-jalae charagh

ek aah-e-garm se turbat mein kaam lene do

yunhi jalae isi tarah se bujhae charagh

jo tha to bas wahi dil-soz bhi tha ai 'jawed'

kisi ne dil na jalaya yahan siwae charagh