kabhi bahaar bane aur sanwar gae hum log

kabhī bahār bane aur sañvar ga.e ham log

kabhī ġhubār kī sūrat bikhar ga.e ham log

kabhī hayāt ke ḳhurshīd māhtāb hue

kabhī hayāt ko tārīk kar ga.e ham log

kabhī hujūm-e-havādis se be-ḳhatar guzre

kabhī havāoñ ke jhoñkoñ se Dar ga.e ham log

kabhī charāġh jalā.e chamak uThīñ rāheñ

kabhī añdheroñ hī meñ apne ghar ga.e ham log

kabhī mazāq-e-tajassus ne rahnumā.ī kī

kabhī ḳhud aap se bhī be-ḳhabar ga.e ham log

kabhī milī bhī jo manzil to baḌh ga.e aage

kabhī nuqūsh-e-qadam par bikhar ga.e ham log

kabhī gulāboñ kī mānind khil uThe kyā kyā

kabhī usī jagah bā-chashm-e-tar ga.e ham log

vo uḌ rahī hai na.e qāfiloñ kī gard 'rabāb'

vo aa ga.e na.e ahl-e-safar ga.e ham log

kabhi bahaar bane aur sanwar gae hum log

kabhi ghubar ki surat bikhar gae hum log

kabhi hayat ke KHurshid mahtab hue

kabhi hayat ko tarik kar gae hum log

kabhi hujum-e-hawadis se be-KHatar guzre

kabhi hawaon ke jhonkon se Dar gae hum log

kabhi charagh jalae chamak uThin rahen

kabhi andheron hi mein apne ghar gae hum log

kabhi mazaq-e-tajassus ne rahnumai ki

kabhi KHud aap se bhi be-KHabar gae hum log

kabhi mili bhi jo manzil to baDh gae aage

kabhi nuqush-e-qadam par bikhar gae hum log

kabhi gulabon ki manind khil uThe kya kya

kabhi usi jagah ba-chashm-e-tar gae hum log

wo uD rahi hai nae qafilon ki gard 'rabab'

wo aa gae nae ahl-e-safar gae hum log