kabhi chaman se kabhi anjuman se guzre hain

kabhī chaman se kabhī anjuman se guzre haiñ

paḌā hai vaqt to dār-o-rasan se guzre haiñ

vo kyā Dareñge tire pech-o-ḳham se rāh-e-hayāt

jo kū-e-zulf-e-shikan-dar-shikan se guzre haiñ

nisār mausam-e-gul un kī ḳhanda-rūī par

jo muskurāte hue is chaman se guzre haiñ

unhīñ ke vāste zebā hai nāz-e-kaj-kulahī

rah-e-hayāt meñ jo bāñkpan se guzre haiñ

rachī-basī hai yahāñ un ke pairahan kī mahak

abhī abhī vo isī anjuman se guzre haiñ

nazar nazar meñ jalā kar charāġh-e-dānish-o-dīñ

hamīñ savād-e-dil-e-ahraman se guzre haiñ

hamīñ laboñ pe du’āoñ kā qāfila le kar

sahāb-e-bārgah-e-zul-minan se guzre haiñ

hamīñ chhiḌakte hue jā-ba-jā lahū apnā

dayār-e-lāla-o-sarv-o-saman se guzre haiñ

kabhi chaman se kabhi anjuman se guzre hain

paDa hai waqt to dar-o-rasan se guzre hain

wo kya Darenge tere pech-o-KHam se rah-e-hayat

jo ku-e-zulf-e-shikan-dar-shikan se guzre hain

nisar mausam-e-gul un ki KHanda-rui par

jo muskuraate hue is chaman se guzre hain

unhin ke waste zeba hai naz-e-kaj-kulahi

rah-e-hayat mein jo bankpan se guzre hain

rachi-basi hai yahan un ke pairahan ki mahak

abhi abhi wo isi anjuman se guzre hain

nazar nazar mein jala kar charagh-e-danish-o-din

hamin sawad-e-dil-e-ahraman se guzre hain

hamin labon pe du’aon ka qafila le kar

sahab-e-bargah-e-zul-minan se guzre hain

hamin chhiDakte hue ja-ba-ja lahu apna

dayar-e-lala-o-sarw-o-saman se guzre hain