kabhi dil mein malamat ke jo dar khulne lagenge

kabhī dil meñ malāmat ke jo dar khulne lageñge

hamāre saath biite din bahut achchhe lageñge

mujhe is se nimaTne kā koī tā'vīz de de

zarā sā zaḳhm bharne meñ ka.ī hafte lageñge

shikārī takte rah jā.eñge muñh ik dūsre kā

parinde jaal le kar ek din uḌne lageñge

mire baare meñ us kī raa.e badlī jā chukī hai

agar maiñ phuul bhī bhejūñ use kāñTe lageñge

vo pahroñ in kī chhāoñ ke tale baiThā rahā hai

hamesha hī ab in peḌoñ pe phal mīThe lageñge

hamārī sach kahī bātoñ kā tujh ko dukh lagegā

tire baḳhshe hue dukh bhī hameñ tamġhe lageñge

kabhi dil mein malamat ke jo dar khulne lagenge

hamare sath bite din bahut achchhe lagenge

mujhe is se nimaTne ka koi ta'wiz de de

zara sa zaKHm bharne mein kai hafte lagenge

shikari takte rah jaenge munh ek dusre ka

parinde jal le kar ek din uDne lagenge

mere bare mein us ki rae badli ja chuki hai

agar main phul bhi bhejun use kanTe lagenge

wo pahron in ki chhaon ke tale baiTha raha hai

hamesha hi ab in peDon pe phal miThe lagenge

hamari sach kahi baaton ka tujh ko dukh lagega

tere baKHshe hue dukh bhi hamein tamghe lagenge