kabhi dil yaad karta hai kabhi mujhse jhagaDta hai

kabhī dil yaad kartā hai kabhī mujh se jhagaḌtā hai

jo bāhar dastaras se hoñ unhī bātoñ pe aḌtā hai

kisī khanDar purāne meñ badaltā jā rahā huuñ maiñ

ki rozāna hī andar se mirā ye jism jhaḌtā hai

kisī bhī or se aao mire hī paas aaoge

nishāñ tere bhī raste kā mire raste meñ paḌtā hai

ise vahshat se jaane kyoñ mohabbat ho rahī hai ab

kisī zanjīr ko ḳhud hī mirā paañv pakaḌtā hai

mujhe hī maar Dāleñge jo mere yaar bante haiñ

samundar rāste meñ hai qadam aage ko baḌhtā hai

ye hasrat dīd-e-sahrā kī kare majbūr hijrat par

bhalā kab itnī āsānī se rang-e-ishq chaḌhtā hai

chalo apnī anāoñ ko kareñ sajda ḳhushī se ham

magar ḳhvāboñ kā 'nāsir' jī nagar saarā ujaḌtā hai

kabhi dil yaad karta hai kabhi mujh se jhagaDta hai

jo bahar dastaras se hon unhi baaton pe aDta hai

kisi khanDar purane mein badalta ja raha hun main

ki rozana hi andar se mera ye jism jhaDta hai

kisi bhi or se aao mere hi pas aaoge

nishan tere bhi raste ka mere raste mein paDta hai

ise wahshat se jaane kyon mohabbat ho rahi hai ab

kisi zanjir ko KHud hi mera panw pakaDta hai

mujhe hi mar Dalenge jo mere yar bante hain

samundar raste mein hai qadam aage ko baDhta hai

ye hasrat did-e-sahra ki kare majbur hijrat par

bhala kab itni aasani se rang-e-ishq chaDhta hai

chalo apni anaon ko karen sajda KHushi se hum

magar KHwabon ka 'nasir' ji nagar sara ujaDta hai