kabhi ghami ke nam par kabhi KHushi ki aaD mein

kabhī ġhamī ke naam par kabhī ḳhushī kī aaḌ meñ

tabāh kar gayā mujhe vo dostī kī aaḌ meñ

vo jab chalā gayā yahāñ se phir mujhe ḳhabar huī

ki maut pāltā rahā huuñ zindagī kī aaḌ meñ

vo shaḳhs bhī ajiib thā ajiib us ke shauq the

ḳhudā tarāshtā rahā sanam-garī kī aaḌ meñ

maiñ qurbatoñ kī chaah maiñ qarīb is ke ho gayā

vo duur mujh se ho gayā thā phir sahī kī aaḌ meñ

ajab nahīñ bahār-rut meñ saañp bhī huuñ baaġh meñ

kisī gulāb kī jagah kisī kalī kī aaḌ meñ

suḳhan kī lai ne dūriyoñ ke silsile miTā diye

tire qarīb aa ga.e haiñ shā.irī kī aaḌ meñ

kabhi ghami ke nam par kabhi KHushi ki aaD mein

tabah kar gaya mujhe wo dosti ki aaD mein

wo jab chala gaya yahan se phir mujhe KHabar hui

ki maut palta raha hun zindagi ki aaD mein

wo shaKHs bhi ajib tha ajib us ke shauq the

KHuda tarashta raha sanam-gari ki aaD mein

main qurbaton ki chah main qarib is ke ho gaya

wo dur mujh se ho gaya tha phir sahi ki aaD mein

ajab nahin bahaar-rut mein sanp bhi hun bagh mein

kisi gulab ki jagah kisi kali ki aaD mein

suKHan ki lai ne duriyon ke silsile miTa diye

tere qarib aa gae hain shairi ki aaD mein