kabhi guman se bahar kabhi guman mein hai

kabhī gumān se bāhar kabhī gumān meñ hai

vo be-nishān jo maujūd har nishān meñ hai

maiñ be-zabān nahīñ huuñ ba-pās-e-hurmat-e-harf

gaḌā huā koī ḳhanjar mirī zabān meñ hai

sabhī zamīn ke rishtoñ se kaT rahe haiñ ham

qadam zamīñ pa dimāġh apnā āsmān meñ hai

maiñ apnī zaat kī pātāl tak ko chhū aa.ī

jo Dūbne meñ nasha hai kahāñ uḌaan meñ hai

pahuñch se apnī bahut duur jā chukī huuñ to phir

koī to ālam-e-nāyāft mere dhyān meñ hai

koī to hogī bahar-hāl maslahat terī

vagarna tiir to ab tak tirī kamān meñ hai

ab apnī zaat kā idrāk ho chalā hai 'shabīn'

ki merī jaan meñ hai jo bhare jahān meñ hai

kabhi guman se bahar kabhi guman mein hai

wo be-nishan jo maujud har nishan mein hai

main be-zaban nahin hun ba-pas-e-hurmat-e-harf

gaDa hua koi KHanjar meri zaban mein hai

sabhi zamin ke rishton se kaT rahe hain hum

qadam zamin pa dimagh apna aasman mein hai

main apni zat ki patal tak ko chhu aai

jo Dubne mein nasha hai kahan uDan mein hai

pahunch se apni bahut dur ja chuki hun to phir

koi to aalam-e-nayaft mere dhyan mein hai

koi to hogi bahar-haal maslahat teri

wagarna tir to ab tak teri kaman mein hai

ab apni zat ka idrak ho chala hai 'shabin'

ki meri jaan mein hai jo bhare jahan mein hai