kabhi hum unki sunte hain kabhi apni sunate hain

kabhī ham un kī sunte haiñ kabhī apnī sunāte haiñ

isī daur-e-mohabbat meñ ye din yuuñ biit jaate haiñ

kahā thā jo kabhī tum ne chalo dekheñ nazāre ham

usī qātil-adā se ab hamīñ ko kyuuñ satāte haiñ

zamāna pūchhegā tumhāre ḳhasta-hāl kā beora

hamārī baat to chhoḌo hameñ yuuñ hī bulāte haiñ

pata pūchhe hamārā jo kaho ab kyā batā.eñ ham

raqīboñ kā pata bhī to nahīñ ab ham batāte haiñ

bhale 'ḳhuddar' kahtā ho ḳhatā-vārī nahīñ kī hai

use bolo faqīroñ meñ use murshid batāte haiñ

kabhi hum un ki sunte hain kabhi apni sunate hain

isi daur-e-mohabbat mein ye din yun bit jate hain

kaha tha jo kabhi tum ne chalo dekhen nazare hum

usi qatil-ada se ab hamin ko kyun satate hain

zamana puchhega tumhaare KHasta-haal ka beora

hamari baat to chhoDo hamein yun hi bulate hain

pata puchhe hamara jo kaho ab kya bataen hum

raqibon ka pata bhi to nahin ab hum batate hain

bhale 'KHuddar' kahta ho KHata-wari nahin ki hai

use bolo faqiron mein use murshid batate hain