kabhi jo KHak ki taqrib-e-ru-numai hui

kabhī jo ḳhaak kī taqrīb-e-rū-numā.ī huī

bahut uḌegī vahāñ bhī mirī uḌaa.ī huī

ḳhudā kā shukr-e-suḳhan mujh pe mehrbān huā

bahut dinoñ se thī luknat zabāñ meñ aa.ī huī

yahī hai ġhazz-e-basar ye hai dekhnā merā

rahegī aañkh tahayyur meñ DabDabā.ī huī

tumhārā merā ta.alluq hai jo rahe so rahe

tumhāre hijr ne kyuuñ Taañg hai aḌaa.ī huī

pakaḌ liyā gayā jaise ki maiñ lagātā huuñ

bujhā rahā thā kisī aur kī lagā.ī huī

lahū lahū huā sajde meñ dil agarche 'razā'

shab-e-shikast baḌe zor kī laḌā.ī huī

kabhi jo KHak ki taqrib-e-ru-numai hui

bahut uDegi wahan bhi meri uDai hui

KHuda ka shukr-e-suKHan mujh pe mehrban hua

bahut dinon se thi luknat zaban mein aai hui

yahi hai ghazz-e-basar ye hai dekhna mera

rahegi aankh tahayyur mein DabDabai hui

tumhaara mera talluq hai jo rahe so rahe

tumhaare hijr ne kyun Tang hai aDai hui

pakaD liya gaya jaise ki main lagata hun

bujha raha tha kisi aur ki lagai hui

lahu lahu hua sajde mein dil agarche 'raza'

shab-e-shikast baDe zor ki laDai hui