kabhi jo marka KHwabon se rat-jagon ka hua

kabhī jo mārka ḳhvāboñ se rat-jagoñ kā huā

ajiib silsila āñkhoñ se āñsuoñ kā huā

jalā ke chhoḌ gayā thā jo tāq-e-dil meñ kabhī

kisī ne pūchhā na kyā haal un diyoñ kā huā

likhā gayā hai mirā naam dushmanoñ meñ sadā

shumār jab bhī kabhī mere dostoñ kā huā

mazāq uḌāte the āñdhī se pahle sab merā

jo mere ghar kā thā phir haal sab gharoñ kā huā

badal rahī haiñ mire haath kī lakīreñ phir

kahā na ab ke bhī shāyad najūmiyoñ kā huā

vafā-shi.ār tabī.at kā ye sila hai 'nūr'

mirī hayāt kā har lamha dūsroñ kā huā

kabhi jo marka KHwabon se rat-jagon ka hua

ajib silsila aankhon se aansuon ka hua

jala ke chhoD gaya tha jo taq-e-dil mein kabhi

kisi ne puchha na kya haal un diyon ka hua

likha gaya hai mera nam dushmanon mein sada

shumar jab bhi kabhi mere doston ka hua

mazaq uDate the aandhi se pahle sab mera

jo mere ghar ka tha phir haal sab gharon ka hua

badal rahi hain mere hath ki lakiren phir

kaha na ab ke bhi shayad najumiyon ka hua

wafa-shiar tabiat ka ye sila hai 'nur'

meri hayat ka har lamha dusron ka hua