kabhi juda do badan hue to dilon pe ye do azab utre

kabhī judā do badan hue to diloñ pe ye do azaab utre

bichhaḌne vaale kī yaad aa.ī milan ke āñkhoñ meñ ḳhvāb utre

baḌhī hai fikr-e-ma.āsh jab se mire ḳhayāloñ kī vādiyoñ meñ

na us ke chehre kā chāñd ubhrā na ārizoñ ke gulāb utre

ulajh gayā zindagī ke kāñTe meñ ittifāqan hamārā dāman

zamīñ ke gole pe sair karne ko ham jo ḳhāna-ḳharāb utre

jinhoñ ne māñgī unheñ to dī hī ga.ī jahāñ meñ ḳhushī kī daulat

baġhair māñge bhī kāhiloñ par falak se ġham be-hisāb utre

chalī jo āñdhī to har kalī ne jhukā ke sar ko ye iltijā kī

chaman ke mālik hamāre ruḳh se abhī na rañg-e-shabāb utre

kabhi juda do badan hue to dilon pe ye do azab utre

bichhaDne wale ki yaad aai milan ke aankhon mein KHwab utre

baDhi hai fikr-e-maash jab se mere KHayalon ki wadiyon mein

na us ke chehre ka chand ubhra na aarizon ke gulab utre

ulajh gaya zindagi ke kanTe mein ittifaqan hamara daman

zamin ke gole pe sair karne ko hum jo KHana-KHarab utre

jinhon ne mangi unhen to di hi gai jahan mein KHushi ki daulat

baghair mange bhi kahilon par falak se gham be-hisab utre

chali jo aandhi to har kali ne jhuka ke sar ko ye iltija ki

chaman ke malik hamare ruKH se abhi na rang-e-shabab utre