kabhi KHaif tha faqat dar mujhse
kabhī ḳhā.if thā faqat dar mujh se
bhāgtā phirtā hai ab ghar mujh se
mujhe mat dekh mire paas na aa
maiñ fasurda huuñ bahut Dar mujh se
laḌkhaḌātī huī phirtī hai nigāh
TūTte jaate haiñ manzar mujh se
shaam ke bojh se dohrī hai kamar
kyā uThe raat kā patthar mujh se
maiñ ravāñ thā kisī dariyā kī tarah
naav Takrātī rahī sar mujh se
mutavāzin na rahe būd-o-nabūd
donoñ palḌe the barābar mujh se
mauja-e-gard uThegā 'shāriq'
aur palaT jā.egā ho kar mujh se
kabhi KHaif tha faqat dar mujh se
bhagta phirta hai ab ghar mujh se
mujhe mat dekh mere pas na aa
main fasurda hun bahut Dar mujh se
laDkhaDati hui phirti hai nigah
TuTte jate hain manzar mujh se
sham ke bojh se dohri hai kamar
kya uThe raat ka patthar mujh se
main rawan tha kisi dariya ki tarah
naw Takraati rahi sar mujh se
mutawazin na rahe bud-o-nabud
donon palDe the barabar mujh se
mauja-e-gard uThega 'shaariq'
aur palaT jaega ho kar mujh se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
