kabhi manzar badalta hai kabhi chehra badalta hai

kabhī manzar badaltā hai kabhī chehra badaltā hai

idhar rangat badaltī hai udhar lahja badaltā hai

hameñ vo maat dene ko hamārā ruup bhar bhar kar

na.ī ik chaal chaltā hai nayā mohra badaltā hai

tumhāre maal par qādir hamāre haal par qādir

na.e pahre na.ī vardī nayā sayyād hai hāzir

magar vo bad-havāsī meñ havā ke ruḳh se ghabrā kar

kabhī qaidī badaltā hai kabhī piñjra badaltā hai

kabhī shamshīr detā hai kabhī phūloñ ke gul-daste

vahīñ bolī lagātā hai jahāñ insān hoñ saste

lagā ke aag ghar ghar meñ badal letā hai vo rishte

idhar nazreñ badaltī haiñ udhar aaqā badaltā hai

vahī dār-o-rasan kā Dar vahī jallād hāzir hai

zabāneñ boltīñ kaise qalam likhne se qāsir hai

nishāñ saare vahī Thahre jab ibn-ul-vaqt ghabrā kar

kabhī manzil badaltā hai kabhī rasta badaltā hai

kabhi manzar badalta hai kabhi chehra badalta hai

idhar rangat badalti hai udhar lahja badalta hai

hamein wo mat dene ko hamara rup bhar bhar kar

nai ek chaal chalta hai naya mohra badalta hai

tumhaare mal par qadir hamare haal par qadir

nae pahre nai wardi naya sayyaad hai hazir

magar wo bad-hawasi mein hawa ke ruKH se ghabra kar

kabhi qaidi badalta hai kabhi pinjra badalta hai

kabhi shamshir deta hai kabhi phulon ke gul-daste

wahin boli lagata hai jahan insan hon saste

laga ke aag ghar ghar mein badal leta hai wo rishte

idhar nazren badalti hain udhar aaqa badalta hai

wahi dar-o-rasan ka Dar wahi jallad hazir hai

zabanen boltin kaise qalam likhne se qasir hai

nishan sare wahi Thahre jab ibn-ul-waqt ghabra kar

kabhi manzil badalta hai kabhi rasta badalta hai