kabhī marhalāt-e-hayāt meñ koī ham-navā hī nahīñ milā
ab is ittifāq ko kyā kahūñ mujhe aasrā nahīñ milā
jo tire qadam kā javāb ho jo tire jamāl kā aks ho
mujhe aisā manzil-e-shauq meñ koī naqsh-e-pā hī nahīñ milā
ka.ī rāz-dār-e-butāñ bhī the ka.ī rāzdār-e-haram bhī the
mire ishtiyāq-e-nigāh ko sanam-āshnā hī nahīñ milā
koī muttaqī koī pārsā koī rind koī junūñ-adā
ye sabhī mile haiñ mujhe magar koī be-ḳhatā hī nahīñ milā
rah-e-marhalāt-e-ḳhulūs meñ mire dil se terī nigāh tak
mujhe jazb-e-shauq ke mā-sivā koī rahnumā hī nahīñ milā
ye baḌī ajiib sī baat hai ki ta.alluqāt-e-hayāt meñ
mujhe ḳhud-numā to mile magar koī rahnumā hī nahīñ milā
vo junūñ-maqām-o-junūñ-adā vo tumhārā 'bāsit'-e-bā-vafā
magar us kā ham-sar-o-ham-navā koī dūsrā nahīñ milā
kabhi marhalat-e-hayat mein koi ham-nawa hi nahin mila
ab is ittifaq ko kya kahun mujhe aasra nahin mila
jo tere qadam ka jawab ho jo tere jamal ka aks ho
mujhe aisa manzil-e-shauq mein koi naqsh-e-pa hi nahin mila
kai raaz-dar-e-butan bhi the kai raazdar-e-haram bhi the
mere ishtiyaq-e-nigah ko sanam-ashna hi nahin mila
koi muttaqi koi parsa koi rind koi junun-ada
ye sabhi mile hain mujhe magar koi be-KHata hi nahin mila
rah-e-marhalat-e-KHulus mein mere dil se teri nigah tak
mujhe jazb-e-shauq ke ma-siwa koi rahnuma hi nahin mila
ye baDi ajib si baat hai ki talluqat-e-hayat mein
mujhe KHud-numa to mile magar koi rahnuma hi nahin mila
wo junun-maqam-o-junun-ada wo tumhaara 'basit'-e-ba-wafa
magar us ka ham-sar-o-ham-nawa koi dusra nahin mila
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.