kabhi nasib ki bhule se bhi sahar na hui

kabhī nasīb kī bhūle se bhī sahar na huī

baġhair hasrat-o-ġham zindagī basar na huī

sahar qarīb hai sham-e-hayāt bujhtī hai

dayār-e-ġhair meñ yāroñ ko hī ḳhabar na huī

tumheñ qarīb se dekhtā to ḳhud ko pahchānā

shuā-e-hasrat-e-dil ham pe be-asar na huī

kahāñ kahāñ na huī dāstān-e-dil rusvā

vo kū-ba-kū na huī yā ki dar-ba-dar na huī

marīz-e-ishq kā to is qadar fasāna hai

davā ho yā ki duā koī kārgar na huī

uThā.īñ tohmateñ ham ne jahān-bhar kī magar

zarā sī bhuul kī bhī tum se darguzar na huī

agarche mai-kada meñ tishnagī ġhazab kī thī

hamāre vāste hī mehrbāñ nazar na huī

kabhi nasib ki bhule se bhi sahar na hui

baghair hasrat-o-gham zindagi basar na hui

sahar qarib hai sham-e-hayat bujhti hai

dayar-e-ghair mein yaron ko hi KHabar na hui

tumhein qarib se dekhta to KHud ko pahchana

shua-e-hasrat-e-dil hum pe be-asar na hui

kahan kahan na hui dastan-e-dil ruswa

wo ku-ba-ku na hui ya ki dar-ba-dar na hui

mariz-e-ishq ka to is qadar fasana hai

dawa ho ya ki dua koi kargar na hui

uThain tohmaten hum ne jahan-bhar ki magar

zara si bhul ki bhi tum se darguzar na hui

agarche mai-kada mein tishnagi ghazab ki thi

hamare waste hi mehrban nazar na hui