kabhi shisha kabhi aahan kabhi patthar banata hun

kabhī shīsha kabhī aahan kabhī patthar banātā huuñ

maiñ shā.ir huuñ tujhe kyā kyā dil-e-muztar banātā huuñ

tapā kar garmi-e-ehsās meñ be-jān lafzoñ ko

kahīñ sho.ala banātā huuñ kahīñ aḳhgar banātā huuñ

ise raġhbat kahūñ terī ki apne dil kī betābi

tasavvur meñ koī tasvīr maiñ aksar banātā huuñ

amal dīvāngī kā hai to kyoñ daanā kahūñ ḳhud ko

maiñ kāġhaz ke sipāhī kaaT kar lashkar banātā huuñ

ta.assub kī girā kartī haiñ jis jā bijliyāñ aksar

mujhe bhī zid hai aksar maiñ vahīñ pe ghar banātā huuñ

ḳhudā shāhid mujhe 'rizvāñ' yahī do kaam aate haiñ

jahāñ masjid banātā huuñ vahīñ mimbar banātā huuñ

kabhi shisha kabhi aahan kabhi patthar banata hun

main shair hun tujhe kya kya dil-e-muztar banata hun

tapa kar garmi-e-ehsas mein be-jaan lafzon ko

kahin shoala banata hun kahin aKHgar banata hun

ise raghbat kahun teri ki apne dil ki betabi

tasawwur mein koi taswir main aksar banata hun

amal diwangi ka hai to kyon dana kahun KHud ko

main kaghaz ke sipahi kaT kar lashkar banata hun

tassub ki gira karti hain jis ja bijliyan aksar

mujhe bhi zid hai aksar main wahin pe ghar banata hun

KHuda shahid mujhe 'rizwan' yahi do kaam aate hain

jahan masjid banata hun wahin mimbar banata hun