kabhi sitara kabhi ramz-o-istiara hua
kabhi sitara kabhi ramz-o-istiara hua
Khursheed Afsar Baswani
MORE BYKhursheed Afsar Baswani
kabhī sitāra kabhī ramz-o-isti.āra huā
ajiib Dhañg se vo mujh pe āshkārā huā
sabhī ne ā.īna dekhā abhī musallam thā
tirī nigāh paḌī aur paara paara huā
rakhā gayā hai hifāzat se self meñ mujh ko
ki jaise maiñ bhī ḳhusūsī koī shumāra huā
hamīñ ne aag lagā.ī thī apne dāman meñ
phir us ke ba.ad na aañsū koī sharāra huā
lahū kā qatra thā vo bhī jo apnī gardish meñ
kahīñ charāġh banā aur kahīñ sitāra huā
tire jamāl kā saudā to kar liyā lekin
kabhī nigāh kabhī jaan kā ḳhasāra huā
nafas nafas tirī hamsā.egī milī mujh ko
maiñ terā parda huā tū mirā nazāra huā
kabhi sitara kabhi ramz-o-istiara hua
ajib Dhang se wo mujh pe aashkara hua
sabhi ne aaina dekha abhi musallam tha
teri nigah paDi aur para para hua
rakha gaya hai hifazat se self mein mujh ko
ki jaise main bhi KHususi koi shumara hua
hamin ne aag lagai thi apne daman mein
phir us ke baad na aansu koi sharara hua
lahu ka qatra tha wo bhi jo apni gardish mein
kahin charagh bana aur kahin sitara hua
tere jamal ka sauda to kar liya lekin
kabhi nigah kabhi jaan ka KHasara hua
nafas nafas teri hamsaegi mili mujh ko
main tera parda hua tu mera nazara hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
