kabhi to chashm-e-falak mein haya dikhai de
kabhī to chashm-e-falak meñ hayā dikhā.ī de
ki dhuup sar se haTe aur ghaTā dikhā.ī de
maiñ iqtibās-e-aziyyat huuñ lauh-e-duniyā par
so mujh meñ ġham ke sivā aur kyā dikhā.ī
maiñ chāhtā huuñ ki mere liye mire maulā
lab-e-adū pe bhī harf-e-duā dikhā.ī de
charāġh ban ke sadā is liye jale ham log
hamārī zid thī ki ham ko havā dikhā.ī de
kabhī to sehn-e-gulistāñ se ho ḳhizāñ ruḳhsat
kabhī to peḌ pe pattā harā dikhā.ī de
hisār-e-zāt se maiñ is liye nikaltā nahīñ
ki chashm-e-tar ko mirī kaun kyā dikhā.ī de
zamāne ba.ad lagā ḳhud ko dekh kar aisā
ki jaise ḳhvāb meñ ik gum-shuda dikhā.ī de
kabhi to chashm-e-falak mein haya dikhai de
ki dhup sar se haTe aur ghaTa dikhai de
main iqtibas-e-aziyyat hun lauh-e-duniya par
so mujh mein gham ke siwa aur kya dikhai
main chahta hun ki mere liye mere maula
lab-e-adu pe bhi harf-e-dua dikhai de
charagh ban ke sada is liye jale hum log
hamari zid thi ki hum ko hawa dikhai de
kabhi to sehn-e-gulistan se ho KHizan ruKHsat
kabhi to peD pe patta hara dikhai de
hisar-e-zat se main is liye nikalta nahin
ki chashm-e-tar ko meri kaun kya dikhai de
zamane baad laga KHud ko dekh kar aisa
ki jaise KHwab mein ek gum-shuda dikhai de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
