kabhi to dekh le ek bar muskura ke mujhe

kabhī to dekh le ik baar muskurā ke mujhe

tujhe bhī dard to hogā kahīñ rulā ke mujhe

jo chal diye vo kabhī lauT kar nahīñ aate

payām aa.e haiñ jaatī huī sabā ke mujhe

maiñ sab ko chhoḌ ke bāhoñ meñ terī jī lūñgā

kabhī pukār le sab ranjisheñ bhulā ke mujhe

tamām 'umr basāyā usī ko āñkhoñ meñ

jo kho gayā thā kabhī ik jhalak dikhā ke mujhe

maiñ ḳhud ko laakh libādoñ meñ Dhāñp luuñ lekin

mire zamīr ne dekhā hai bin qabā ke mujhe

vo jis se naam mirā chhup ke tū ne likkhā thā

abhī bhī yaad haiñ sab rang us hinā ke mujhe

maiñ ek giit huuñ merā yahī muqaddar hai

tū bhuul jā.egā kuchh der gungunā ke mujhe

kabhi to dekh le ek bar muskura ke mujhe

tujhe bhi dard to hoga kahin rula ke mujhe

jo chal diye wo kabhi lauT kar nahin aate

payam aae hain jati hui saba ke mujhe

main sab ko chhoD ke bahon mein teri ji lunga

kabhi pukar le sab ranjishen bhula ke mujhe

tamam 'umr basaya usi ko aankhon mein

jo kho gaya tha kabhi ek jhalak dikha ke mujhe

main KHud ko lakh libaadon mein Dhanp lun lekin

mere zamir ne dekha hai bin qaba ke mujhe

wo jis se nam mera chhup ke tu ne likkha tha

abhi bhi yaad hain sab rang us hina ke mujhe

main ek git hun mera yahi muqaddar hai

tu bhul jaega kuchh der gunguna ke mujhe