kabhi to is par bhi ghaur kije ki dil KHushi-na-shanas kyon hain

kabhī to is par bhī ġhaur kiije ki dil ḳhushī-nā-shanās kyoñ haiñ

ye andalībān-e-ḳhush-navā sab ḳhamosh kyoñ haiñ udaas kyoñ haiñ

maiñ mustahiq thā mirā nasheman jalāyā jaa.e so jal chukā hai

savāl ye hai ki ahl-e-gulshan ḳhafīf kyoñ bad-havās kyoñ haiñ

na raah mushkil na duur manzil magar mire rāhbar batā de

tirī qayādat meñ chalne vaale ba-qaid-e-ḳhauf-o-hirās kyoñ haiñ

huā thā jab iḳhtitām-e-mahfil nazar ye saaqī kī kah rahī thī

hai kam-shanāsī kā jin ko shikva vo log ḳhud kam-shanās kyoñ haiñ

jo apne tār-e-nafas se bun kar zamāne bhar ko libās baḳhsheñ

vo jism har zāviye se ghāyal vo jism ḳhud be-libās kyoñ haiñ

kabhi to is par bhi ghaur kije ki dil KHushi-na-shanas kyon hain

ye andaliban-e-KHush-nawa sab KHamosh kyon hain udas kyon hain

main mustahiq tha mera nasheman jalaya jae so jal chuka hai

sawal ye hai ki ahl-e-gulshan KHafif kyon bad-hawas kyon hain

na rah mushkil na dur manzil magar mere rahbar bata de

teri qayaadat mein chalne wale ba-qaid-e-KHauf-o-hiras kyon hain

hua tha jab iKHtitam-e-mahfil nazar ye saqi ki kah rahi thi

hai kam-shanasi ka jin ko shikwa wo log KHud kam-shanas kyon hain

jo apne tar-e-nafas se bun kar zamane bhar ko libas baKHshen

wo jism har zawiye se ghayal wo jism KHud be-libas kyon hain