kabhi zamin to kabhi aasman se guzri hai

kabhī zamīñ to kabhī āsmāñ se guzrī hai

du'ā jo ho ke tire āstāñ se guzrī hai

huā hai bārgah-e-kul pe rahmatoñ kā nuzūl

mire huzūr kī hastī jahāñ se guzrī hai

huī hai band har ik bad-nigāhī taale meñ

hijāb meñ koī laḌkī yahāñ se guzrī hai

vo aa.e bazm meñ aise ki yuuñ lagā mujh ko

nasīm-e-sub.h kisī gulsitāñ se guzrī hai

sukūn kaise mayassar ho tere 'āshiq ko

ki terī yaad dil-e-nā-tavāñ se guzrī hai

vo nuur chhantā rahā jis kī raushnī ai dil

kabhī makāñ to kabhī lā-makāñ se guzrī hai

har us maqām pe raushan thiiñ mash'aleñ 'dā.em'

junūn-e-shauq meñ hastī jahāñ se guzrī hai

kabhi zamin to kabhi aasman se guzri hai

du'a jo ho ke tere aastan se guzri hai

hua hai bargah-e-kul pe rahmaton ka nuzul

mere huzur ki hasti jahan se guzri hai

hui hai band har ek bad-nigahi tale mein

hijab mein koi laDki yahan se guzri hai

wo aae bazm mein aise ki yun laga mujh ko

nasim-e-subh kisi gulsitan se guzri hai

sukun kaise mayassar ho tere 'ashiq ko

ki teri yaad dil-e-na-tawan se guzri hai

wo nur chhanta raha jis ki raushni ai dil

kabhi makan to kabhi la-makan se guzri hai

har us maqam pe raushan thin mash'alen 'daem'

junun-e-shauq mein hasti jahan se guzri hai