kaDi thi dhup sar chakra raha tha

kaḌī thī dhuup sar chakrā rahā thā

maiñ bhūkā thā bahut ghabrā rahā thā

tumhārā shahr kyā thā kyā batā.ūñ

tamāsha har koī dikhlā rahā thā

the us ke haath meñ kashkol lekin

vo mehr-o-māh ko sharmā rahā thā

anā kā saañp maiñ ne maar Daalā

bahut nuqsān ye pahuñchā rahā thā

amīr-e-shahr se ye kaun pūchhe

sitam kyoñ muflisoñ par Dhā rahā thā

lage Thokar to ḳhud hī tum sambhal jaao

safar kā tajraba batlā rahā thā

akelī thī koī laḌkī saḌak par

badan jis kā mujhe lalchā rahā thā

ye kaisā ḳhvāb maiñ ne 'faiz' dekhā

samundar merī jānib aa rahā thā

kaDi thi dhup sar chakra raha tha

main bhuka tha bahut ghabra raha tha

tumhaara shahr kya tha kya bataun

tamasha har koi dikhla raha tha

the us ke hath mein kashkol lekin

wo mehr-o-mah ko sharma raha tha

ana ka sanp main ne mar Dala

bahut nuqsan ye pahuncha raha tha

amir-e-shahr se ye kaun puchhe

sitam kyon muflison par Dha raha tha

lage Thokar to KHud hi tum sambhal jao

safar ka tajraba batla raha tha

akeli thi koi laDki saDak par

badan jis ka mujhe lalcha raha tha

ye kaisa KHwab main ne 'faiz' dekha

samundar meri jaanib aa raha tha