kaf-e-ghubar mein malbus mera paikar tha

kaf-e-ġhubār meñ malbūs merā paikar thā

ye sāneha to azal se mirā muqaddar thā

har ek samt se mujh par huī thī bārish-e-sang

zahe-nasīb maiñ apne makāñ ke andar thā

sukūt-e-shab meñ ye āvāz mujh ko dī kis ne

vo rāste kā musāfir thā yā ki rahbar thā

usī kā aks rahā aa.ine meñ jalva-fagan

vo apnī zaat kā shāyad ḳhud ā.ina-gar thā

tire jamāl se thī zindagī meñ ra.anā.ī

mire vajūd kā tū hī azal se mehvar thā

añdherī raat meñ saaya bhī saath de na sakā

nasheb-e-rāh meñ ḳhud hī maiñ apnā rahbar thā

mirī nazar meñ baresham thā silk pairāhan

guhar bhī mere liye rāste kā patthar thā

mire safar kī 'sabā' intihā yahī to nahīñ

qadam thā ret pe aur sāmne samundar thā

kaf-e-ghubar mein malbus mera paikar tha

ye saneha to azal se mera muqaddar tha

har ek samt se mujh par hui thi barish-e-sang

zahe-nasib main apne makan ke andar tha

sukut-e-shab mein ye aawaz mujh ko di kis ne

wo raste ka musafir tha ya ki rahbar tha

usi ka aks raha aaine mein jalwa-fagan

wo apni zat ka shayad KHud aaina-gar tha

tere jamal se thi zindagi mein ranai

mere wajud ka tu hi azal se mehwar tha

andheri raat mein saya bhi sath de na saka

nasheb-e-rah mein KHud hi main apna rahbar tha

meri nazar mein baresham tha silk pairahan

guhar bhi mere liye raste ka patthar tha

mere safar ki 'saba' intiha yahi to nahin

qadam tha ret pe aur samne samundar tha