kah raha tha yaad mein wo raat roya KHub hai

kah rahā thā yaad meñ vo raat royā ḳhuub hai

silvaTeñ kahtī haiñ mujh se tū bhī jhūTā ḳhuub hai

de rahā thā qasmeñ mujh ko sach kaho ham se zarā

sach jo ham ne kah diyā to yaar rūThā ḳhuub hai

ḳhvāb the ki the gharauñde kāñch ke merī tarah

ishq vaale pattharoñ se dil bhī TuuTā ḳhuub hai

merī qismat kī lakīroñ meñ mirā kuchh bhī nahīñ

log phir bhī kah rahe haiñ tum pe chhāyā ḳhuub hai

maut hī manzil hai apnī ishq to thā rāsta

dam-ba-dam is rāste pe dil bhī laayā ḳhuub hai

kah raha tha yaad mein wo raat roya KHub hai

silwaTen kahti hain mujh se tu bhi jhuTa KHub hai

de raha tha qasmen mujh ko sach kaho hum se zara

sach jo hum ne kah diya to yar ruTha KHub hai

KHwab the ki the gharaunde kanch ke meri tarah

ishq wale pattharon se dil bhi TuTa KHub hai

meri qismat ki lakiron mein mera kuchh bhi nahin

log phir bhi kah rahe hain tum pe chhaya KHub hai

maut hi manzil hai apni ishq to tha rasta

dam-ba-dam is raste pe dil bhi laya KHub hai