kahan dariya ki tughyani se nikla

kahāñ dariyā kī tuġhyānī se niklā

ta.alluq ret kā paanī se niklā

kisī kī yaad kā kāñTā thā dil meñ

bahut mushkil thā āsānī se niklā

garebāñ chaak āvāra pareshāñ

junūñ sahrā kī vīrānī se niklā

vo jis kā muntazir thā sang-e-dar bhī

vo sajda merī peshānī se niklā

chamakte chāñd kā rishta bhī yaaro

ruḳh-e-jānāñ kī tābānī se niklā

jo manzar misra-e-ūlā meñ gum thā

vo manzar misra-e-sānī se niklā

ilāj-e-dard-e-dil 'zīshān' dekhā

junūñ kī chāk-dāmānī se niklā

kahan dariya ki tughyani se nikla

talluq ret ka pani se nikla

kisi ki yaad ka kanTa tha dil mein

bahut mushkil tha aasani se nikla

gareban chaak aawara pareshan

junun sahra ki virani se nikla

wo jis ka muntazir tha sang-e-dar bhi

wo sajda meri peshani se nikla

chamakte chand ka rishta bhi yaro

ruKH-e-jaanan ki tabani se nikla

jo manzar misra-e-ula mein gum tha

wo manzar misra-e-sani se nikla

ilaj-e-dard-e-dil 'zishan' dekha

junun ki chaak-damani se nikla