kahan hoga kidhar hoga dil-e-nakaam kya hoga

kahāñ hogā kidhar hogā dil-e-nākām kyā hogā

ḳhudā jaane mohabbat meñ tirā anjām kyā hogā

tab.a āzād paidā kar dil-e-be-ḳhauf paidā kar

jise Dar mohtasib kā ho vo mai-āshām kyā hogā

nayā dīvāna huuñ mujh ko na.ī zanjīr se bāñdho

purānā intishār-e-zulf merā daam kyā hogā

pilānā hī agar maqsūd hai bhar bhar pilātā jā

hamārī pyaas ke aage ye ḳhālī jaam kyā hogā

saf-e-āḳhir meñ bhī labrez paimāna milā ham ko

karam saaqī kā is se aur baḌh kar aam kyā hogā

badal jaa.e jo sub.h-e-vasl se shām-e-judā.ī to

tumheñ nuqsān āḳhir gardish-e-ayyām kyā hogā

tumheñ kyoñ fikr hai yaaro taḌapne do taḌapne do

taḌapne kā maiñ aadī huuñ mujhe ārām kyā hogā

'jalāl'-e-be-navā zauq-e-suḳhan-goī na gar badlā

to phir in be-maza sheroñ se terā naam kyā hogā

kahan hoga kidhar hoga dil-e-nakaam kya hoga

KHuda jaane mohabbat mein tera anjam kya hoga

taba aazad paida kar dil-e-be-KHauf paida kar

jise Dar mohtasib ka ho wo mai-asham kya hoga

naya diwana hun mujh ko nai zanjir se bandho

purana intishaar-e-zulf mera dam kya hoga

pilana hi agar maqsud hai bhar bhar pilata ja

hamari pyas ke aage ye KHali jam kya hoga

saf-e-aKHir mein bhi labrez paimana mila hum ko

karam saqi ka is se aur baDh kar aam kya hoga

badal jae jo subh-e-wasl se sham-e-judai to

tumhein nuqsan aaKHir gardish-e-ayyam kya hoga

tumhein kyon fikr hai yaro taDapne do taDapne do

taDapne ka main aadi hun mujhe aaram kya hoga

'jalal'-e-be-nawa zauq-e-suKHan-goi na gar badla

to phir in be-maza sheron se tera nam kya hoga