kahan kahan se sameTun shikasta KHwabon ko

kahāñ kahāñ se sameTūñ shikasta ḳhvāboñ ko

ki zabt-e-ġham kā salīqa nahīñ hai āñkhoñ ko

ajab bahār-e-ḳhizāñ hai chaman meñ ab kī baar

havā uḌātī phirī mere ḳhushk pattoñ ko

safar abhī to zarā sā kiyā hai tere baġhair

abhī to ronā bahut hai udaas āñkhoñ ko

abhī to umr kā ye dasht paar karnā hai

charāg karnā hai kuchh be-charāġh rātoñ ko

vo rāsta bhī ajab thā vo ham-safar bhī kamāl

jo mujh ko sauñp gayā sar-phirī havāoñ ko

ki jin ko kaaT deñ ḳhud mauja-e-bahār ke haat

sajā.e kaun phir aisī burīda shāḳhoñ ko

chamaktī jaatī haiñ aur bhīgtī bhī jaatī haiñ

hunar ye kis ne sikhāyā hai merī palkoñ ko

maiñ bhuul jaatī huuñ har sub.h terā naam magar

maiñ yaad kartī huuñ har raat terī bātoñ ko

kahan kahan se sameTun shikasta KHwabon ko

ki zabt-e-gham ka saliqa nahin hai aankhon ko

ajab bahaar-e-KHizan hai chaman mein ab ki bar

hawa uDati phiri mere KHushk patton ko

safar abhi to zara sa kiya hai tere baghair

abhi to rona bahut hai udas aankhon ko

abhi to umr ka ye dasht par karna hai

charag karna hai kuchh be-charagh raaton ko

wo rasta bhi ajab tha wo ham-safar bhi kamal

jo mujh ko saunp gaya sar-phiri hawaon ko

ki jin ko kaT den KHud mauja-e-bahaar ke hat

sajae kaun phir aisi burida shaKHon ko

chamakti jati hain aur bhigti bhi jati hain

hunar ye kis ne sikhaya hai meri palkon ko

main bhul jati hun har subh tera nam magar

main yaad karti hun har raat teri baaton ko